به‌رپرسێكی وه‌زاره‌تی دارایی رایده‌گه‌یه‌نێت، له هه‌فته‌ی داهاتوودا مووچەی خانەنشین دەردرێت و هاوکات لیستی مووچه‌ی مانگی 9ی فه‌رمانبه‌رانیش رادگەیەنرێت.
حازم ئیسماعیل، به‌ڕێوه‌به‌ری گشتی خانه‌نشینانی هه‌رێم له وه‌زاره‌تی دارایی و ئابووری، به دواڕۆژی راگه‌یاند " به‌هۆی ته‌واو نه‌بوونی بڕی بودجه‌ی پێویست وه‌زاره‌تی دارایی نه‌یتوانی له دوای ته‌واوبوونی دابه‌شكردنی مووچه‌ی مانگی ئابی 2017 مووچه‌ی مانگی شوباتی ئه‌مساڵی خانه‌نشینان دابه‌شبكات".
ناوبراو دەشڵیت"له هه‌فته‌ی داهاتوودا له‌گه‌ڵ راگه‌یاندنی لیستی مووچه‌ی مانگی ئه‌یلولی فه‌رمانبه‌ران، یه‌كه‌م شوێن مووچه‌ی خانه‌نشینان دابه‌ش ده‌كرێت ئینجا شوێنه‌كانی تر مووچه وه‌رده‌گرن".