وتەبێژی حكومەتی هەرێمی كوردستان رەتیدەكاتەوە كە رێگری كرابێت لەوەی لە شاری هەولێر خۆپیشاندان بكرێت و دەڵێت "ئەگەر یەکێک خوازیاری خۆپـیشاندان بێت دەتوانێت داوای مۆڵەت بکات و لە لایەن پارێزگارەوە ڕێگای پـێدەدرێت".
سەفین دزەیی وتەبێژی حكومەتی هەرێمی كوردستان لەمیانی لێدوانێكیدا بۆ رادیۆی دەنگی ئەمریكا، ڕەتیکردەوە ڕێگری کرابێت لە هەولێر و دهۆك خۆپیشاندان بكرێت و وتی "ئەگەر یەکێک خوازیاری خۆپـیشاندان بێت دەتوانێت داوای مۆڵەت بکات و لە لایەن پارێزگارەوە ڕێگای پـێدەدرێت".
ئەوەش لەکاتێکدایە رۆژی هێمن مامەند یەكێك لە چالاكە مەدەنییەكانی هەولێر رایگەیاند كە دوو کارمەندی ئاسایش بەناوی بەرپرسێکی باڵای ئاسایش هاتنە پرسەی ئامۆژنم و پێیان راگەیاندم ئەگەر خۆپیشاندان بکەیت خۆت و بنەماڵەکەت ئاودیوی دێگەڵە دەکەین".
دواتریش چەند چالاكوانێك بەمەبەستی ئەنجامدانی خۆپیشاندان داوای مۆڵەتیان لە پارێزگا كرد دواتر بەگوێرەی زانیاریەکان لەژێر هەڕەشەدا ئاسایشدا لە بڕیارەکەیان پاشگەز بوونەوە.