دووگەنجی کورد لەشاری کەرکوک کوژران و بکوژەکانیان هەڵهاتن.
سەرچاوەیەکی ئاگادار لەروداوەکە بە "سپی میدیا"ی راگەیاند کاتژمێر هەشتی ئەمشەو لەگەڕەکی (حەی عەدەن)ـی شاری کەرکوکـ نزیکـ شاری یاری دوو گەنجی کورد بەناوەکانی (چیا هیوا ساڵح) و (موزەفەر بەهرام سەعید) لەلایەن ژمارەیەکـ چەکداری نەناسراو تەقەیان لێکراو دەست بەجێ گیانیان لەدەست دا.
سەرچاوەکە ئاماژەی بۆ ئەوەکرد چەکدارەکان دەستبەجێ دوای ڕووداوەکە بەرەو شوێنێکی نادیار ھەلھاتوون.
لەدوای ١٦ ئۆکتۆبەرە کەرکوک بەباردۆخێکی ناھەمواردا تێ پەردەبێت و روداوەکانی کوشتن و فراندن و دزی بەشێوەکی بەرچاو زیادی کردووە.
ئا/ ئاری فاتیح