ڕۆژی سێشەممە پەرلەمانی كوردستان لەسەر چەند پرۆژە یاسایەك كۆدەبێتەوە و سەرۆكی فراكسیۆنەكانیش پەیام لەبارەی عەفرینەوە دەخوێننەوە.
بەپێی كارنامەی پەرلەمانی كوردستان كۆبوونەوەی داهاتووی پەرلەمان لە ٣٠-١-٢٠١٨ بەڕێوەدەچێت و بەرنامەكەی بریتییە لە گفتوگۆكردن لەسەر "پرۆژە یاسای گواستنەوەی چاندنی ئەندامانی جەستەی مرۆڤ، هەمواركردنەوەی پرۆژە یاسای هاتوچۆی هەرێم".
هەر لە دانیشتنەكەی پەرلەمانی كوردستاندا خوێندنەوەی یەكەم بۆ پرۆژە یاساكانی "پاراستنی تۆڕ و دامەزراوەكانی ئاو و ئاوەڕۆ" دەكات و لە درێژەی كۆبوونەوەكەی پەرلەماندا دوو پەرلەمانتار زیاد دەكرێت بۆ لیژنەكان.
لەكۆتایی كارنامەی دانیشتنەكەی پەرلەماندا، پێداچوونەوە بە پەیرەوی ناوخۆیی ئامادەكراو دەكرێت.