بەیانی ئەمڕۆ لە قەزای شێخان ژن و پیاوێك لە ماڵەكەی خۆیاندا بە چەقۆ كوژران.
بەگوێرەی زانیاریەكانی پۆلیس ،تەرمی ئەو ژن و پیاوە لە ماڵەكەی خۆیاندا لە كۆمەڵگای جڕەی سەربە قەزای شێخان دۆزراونەوە ، ئەوەش خراوەتەروو كە بەپێی زانیاریە سەرەتاییەكان دەركەوتوە ئەو ژن و پیاوە بە چەقۆ كوژراون.
چەند شایەتحاڵێکیش ئاماژەیان بۆ ئەوەکردووە كە بەرەبەیانی ئەمڕۆ چەند كەسێك چونەتە ئەو ماڵەو دەركەوتوە كە بڕێك زێڕ و پارەیان بردوە.
لە ئێستادا تەرمی ژن و پیاوەكە رەوانەی نەخۆشخانەی دادوەری دهۆك كراوە و لێكۆڵینەوەش لە رووداوەكە دەستیپێكردوە.