ئاسایشی ڕۆژئاوای سلێمانی ئاماری شەش مانگی كۆتایی ئەمساڵی بڵاوكردەوە و دەڵێت، ٣٧ كەس بەتۆمەتی جیاواز دەستگیركراون.
ئەمڕۆ لە قەزای چەمچەماڵ، زمناكۆ عومەر، وتەبێژی ئاسایشی ڕۆژئاوای سلێمانی لەكۆنگرەیەكی ڕۆژنامەنوسیدا ڕایگەیاند، "لەماوەی شەش مانگی كۆتایی ساڵی ٢٠١٧دا ٢١ كەس بەتۆمەتی كێشان و ٤ كەسی تر بەتۆمەتی بازرگانی بە ماددەی هۆشبەرەوە دەستگیركراون".
هەروەها وتی "٣٥ كەس بەتۆمەتی دزیكردن و ٢٦ كەس بەتۆمەتی هەڵدانی نارنجۆك بۆماڵان و تەقەكردن لەخەڵك دەستگیركراون".
ئاماژەی بۆ ئەوەشكرد، هەر لەماوەی ئەو شەش مانگەدا، ١٨ كەسیان بەھۆی دراوی ساختە دەستگیركردووە و لەبازگەی بانی مقان-یش دەست بەسەر ٢١ ھەزار پارچە حەپی ترامالدا گیراوە كەیەكێكە لە مادە قەدەخەكراوەكان.
ئاری فاتیح