وەزارەتى ئەوقاف و کاروبارى ئاینى هەرێمى کوردستان ڕایگەیاند ئەو مەلا ئاینییەى بەیانى ئەمڕۆ لە هەولێر کوژرا بەهۆى کێشەى کۆمەڵایەتییەوە کوژراوە.
نەبەز ئیسماعیل، وتەبێژى وەزارەتى ئەوقاف و کاروبارى ئاینى حکومەتى هەرێمى کوردستان ڕاگەیاند "بەیانى ئەمڕۆ کاتژمێر ٤ ى بەرەبەیانى مامۆستایەکى ئاینى لە هەولێر کوژراوە".
ڕاشیگەیاند، ئەو مامۆستا ئاینییە کە ناوی یەشار یوسف لەنەتەوەیی تورکمانە و خەڵکی کەرکوکە و (فەرمانبەری وەزارەتی ئەوقاف نیە).
ئاشکراشیکرد، ئەو مامۆستا ئاینییە تەنیا وەک میوان لە ھەولێر بووەو ڕووداوەکەش وەک بەرپرسانی پولیس ڕایانگەیاندووە کێشەیەکی کۆنی کۆمەڵایەتیە.