سیستانی شەممە دەکات بە یەکەم رۆژی جەژن

نووسینگه‌ی عه‌لی سیستانی، مه‌رجه‌عی باڵای شیعه‌كانی عێراق له‌ نه‌جه‌ف ده‌ڵێت "پێناچێت ئێواره‌ی رۆژی پێنجشه‌ممه‌ مانگ ببینرێت، بۆیه‌‌ پێده‌چێت رۆژی هه‌ینی ته‌واوكه‌ری مانگی ره‌مه‌زان بێت و شه‌ممه‌ بكرێته‌ یه‌كه‌م رۆژی جه‌ژنی ره‌مه‌زان".

پێشتر مەکتەبی سیاستانی رایگەیاندبوو کە ئەگەری زۆرە هەینی یەکەم رۆژی جەژنی رەمەزان بێت.

ل بەیاننامەیەکدا کە نووسینگه‌ی سیستانی بڵاویکردەوە، تیایدا هاتووە "پێشبینی ده‌كرێت ئێواره‌ی رۆژی هه‌ینی له‌ ئاسۆی شاری نه‌جه‌فدا و له‌ كاتی خۆرئاوا بوون و به‌ دیاریكراوی له‌ كاتژمێر 7:10 خوله‌ك مانگی شه‌وال ببینرێت كه‌ ده‌كاته‌ رۆژی 15ـی حوزه‌یران و 30 ره‌مه‌زان".
بەپێی ئەو بەیاننامەیەی گەورە مەرجەعی شیعە بێت رۆژی شه‌ممه‌ ده‌کرێت بەیەکەم رۆژی جه‌ژن.
سه‌نته‌ری نێوده‌وڵه‌تی فه‌له‌كی، رۆژی چوارشه‌ممه‌ (6ی حوزه‌یران/ یۆنیۆی 2018) رایگه‌یاند، له‌ زۆربه‌ی وڵاتانی جیهانی ئیسلامی و بەتایبەتی سوونەکان، یه‌كه‌م رۆژی جه‌ژنی ره‌مه‌زان هاوكاته‌ له‌گه‌ڵ رۆژی هه‌ینی (15ی حوزه‌یران/ یۆنیۆی 2018).

شیعه‌كان زۆربه‌ی كات رۆژێك پێشتر یان پاشتر به‌ رۆژوو ده‌بن و به‌ هه‌مان شێوه‌یه‌ش رۆژێك دواتر یان پێشتر جه‌ژن ده‌كه‌ن و كه‌م رێككه‌وتووه‌ جه‌ژن له‌گه‌ڵ سوننه‌كان بكه‌ن. 


ئه‌م بابه‌ته ‌34546 جار خوێنراوه‌ته‌وه‌‌

PM:03:46:12/06/2018