هێزەکانی پاراستنی گەل-هەپەگە رایگەیاند، ۱١ سەربازی سوپای تورکیا لە ناوچەکانی باکور و باشوری کوردستان کوژران.
ناوەندی ڕاگەیاندنی هێزەکانی پاراستنی گەل-هەپەگە ڕاگەیەندراوێکی لە بارەی کاروچالاکییەکانیان بڵاوکردەوەو ئاماژەی بۆ ئەوە کردوە، "لە ٨ی تەموزدا هێزەکانمان سوپای تورکیایان لەسەر گردی لێلیکانی ناوچەی برادۆستی لە هەرێمی کوردستان کردە ئامانج و سەربازێکی سوپای تورکیا کوژرا."
ئەوەشیان خستوەتەڕوو، کە هەر لە هەمان ڕۆژدا هێزەکانیان توانیویانە لە ناوچەی گردی خودێی دەڤەری بارزان چوار سەربازی سوپای تورکیا بکوژن.
لە بەشیکی دیکەت راگەیەندراوەکەی هەپەگەدا هاتووە، لە گردی شۆخای ناوچەی بەرواری سێرت-یش چالاکیان لە دژی سوپای تورکیا ئەنجامداوە و شەش سەربازی سوپای تورکیا کوژراون.