هەواڵ عوسمان بەبۆنەی هاتنی جەژنی قوربانەوە پەیامێکی بڵاوکردۆتەوەو بە پشتیوانی جوانەمەرگی هاوسەری دەڵێت دیار نییە.
لە تۆڕی کۆمەڵایەتی ئینستاگرام هەواڵ عوسمان لە پۆستێکدا بەبۆنەی جەژنەوە نوسیوویەتی " ئەوە جەژنیش هات، کەچی تۆ دیارنیت".
ھەواڵ عوسمان، خوشكی هونەرمەند بەیان عوسمانە و زیاتر بە كارەكتەری (ژاڵە) لە زنجیرە درامای گەردەلوول ناوبانگی ھونەریی دەركردووە، ھاوسەری هوەنەرمەندی كۆچكردو (پشتیوان بەدەوی)یە.
پشتیوان نووری لە دایك بووی ساڵی 1977ی شاری سلێمانی گەڕەكی (چوارباخ)ـە و لە ساڵی 1993 ژیانی هونەری لە پەیمانگەی هونەرە جوانەكانی سلێمانی بەشی شانۆ دەست پێ كرد. هەر لە پەیمانگەی هونەرە جوانەكان، پشتیوان ئاشنای خانمە هونەرمەند (هەواڵ عوسمان) دەبێت و لە ساڵی 1995 ژیانی هاوسەری لەگەڵ پێكدێنێت، ئێستەیش خاوەنی دوو كچن بە ناوەكانی كانی و لانی.
ڕۆژی 16/1/2018، پشتیوان بەدەوی، ھونەرمەندی کورد، بەھۆی جەڵتەوەی دڵەوە لە سلێمانی کۆچی دوایی کرد، پشتیوان بەیەکێک لەهونەرمەندە لاوە ناسراوەکانی کوردستان هەژمار دەکرێت.