سبەینێ ئەنجومەنی سەرکردایەتی پارتی بە سەرۆکایەتی بارزانی کۆدەبێتەوە و تاوتوێی پێکهێنانی حکومەتی عێراق و بەڕێوەچوونی هەڵبژاردنی هەرێم و بۆچوونی خۆشیان لە بارەی ڕووداوەکەی کۆیەوە دەخەنە ڕوو.

سەرچاوەیەکی باڵا لە سەرکردایەتی پارتی بە سپی میدیای ڕاگەیاند، سبەی ئەنجومەنی سەرکردایەتی پارتی لە شاری هەولێر کۆدەبێتەوە و تاوتوێی پرسی پێکهێنانی حکومەتی عێراق و بەڕێوەچوونی هەڵبژاردنەکان دەکەن.

سەرچاوەکە وتیشی پارتی دەیەوێت هەر لەو ڕاگەیەندراوەی دوای کۆبوونەوەکە دەریدەکات هەڵوێستی فەرمی خۆی لەسەر بۆردوومانی قەڵای دیموکرات لە کۆیە بخاتە ڕوو.