پاش نیوەڕۆی
ئەمڕۆ مەسعود بارزانی گەیشتە سلێمانی و وتارێکی پێشکەش کرد و پەیامێکی پاڕاستەی
پارتیەکانی سلێمانی کرد.
بارزانی
لە میانی وتارەکەیدا لە بانگەشەی هەڵبژاردنی حزبەکەی لە شاری سلێمانی، ئەوەی ڕاگەیاند
کە "دەبێت لە هەموو شوێنەکانی کوردستاندا قۆرخکاری کۆتایی پێ بهێندرێت و ”مەعلوومە
لە کوێدا قۆرخکاری هەیە". جەختیشی لەوە کردەوە کە پارتییەکانی شاری سلێمانی لە
سەردەمی زەعیم سدیقەوە ڕووبەڕووی بێبەشکردن و کۆمەڵێک کێشەی گەورە کراونەتەوە.
وتی
"ئێوە نموونەی خۆڕاگرین و هاتووین لە ئێوەوە فێری خۆڕاگری ببین" وتیشی
"چەند ڕۆژێکمان ماوە بۆ هەڵبژاردنێکی چارەنووسساز هەڵبژاردنێک کە ئەگەر خوا
فورسەتی دا و پارتی سەرکەوتنێکی گەورەی بەدەست هێنا، گۆڕانکارییەکی گەورە و چاکسازییەکی
گەورەش دەکات. بۆیە لە ٣٠ی ئەیلوول وەک هەمیشە ڕۆڵی خۆتان ببینن و ئەو دەرفەتە بۆ
خۆتان و بۆ پارتەکەتان بڕەخسێنن".
هەروەها وتی: ئێمە دەمانەوێ دەوڵەتی یاسا دابمەزرێ
و هاووڵاتییان یەکسان بن و هەموویان بە مافەکانیان شاد بن و میزاجی شەخس تەحەکوم بە
چارەنووسیان نەکات. مەحاڵە قەبوڵ بکرێ جارێکیتر تەعەدا لە پارتی و مەقەراتی پارتی
و خەڵکی هەژاری پارتی بکرێ لەم دەڤەرە.