پۆلیسی هەولێر دەست بەسەر بڕێكی زۆر پارەی ساختەدا دەگرێت و تۆمەتبارەكان رەوانەی دادگا دەكات.
رائید هۆگر عەزیز، وتەبێژی پۆلیسی هەولێر رایگەیاند "ئەو بڕەی دەستی بەسەردا گیراوە، زیاتر لە چوار ملیۆن دۆلار، 88 ملیۆن دیناری عێراقییە، جگە لە بڕێكی زۆر تومەن و یۆرۆ".
ئەو پارە ساختانە لە ماوەی 10 مانگی رابردوو لەلایەن هێزەكانی نەهێشتنی تاوان و دەزگا ئەمنییەكانی دیكەی شاری هەولێر، دەستیان بەسەردا گیراوە.
بەهۆی ئەو پارە ساختانەوە، تا ئێستا نزیكەی 100 كەس دەستگیركراون و سەرچاوەی پارە ساختەكانیش بریتییە لە وڵاتانی دراوسێ و شارەكانی عێراق.