سكرتێری ئەنجومەنی وەزیرانی حكومەتی هەرێمی كوردستان دەڵێت " ئامادەكردنی پرۆژەیاسای بودجەی سالی 2019ی هەرێم دەستیپێكردووە و هەموو هەوڵەكانی حكومەتیش بۆ ئەوەیە پاشكەوتی مووچە نەهێڵێت".
د. ئامانج رەحیم سكرتێری ئەنجومەنی وەزیرانی حكومەتی هەرێمی كوردستان بە تەلەفزیۆنی گەلی کوردستانی رایگەیاندووە" پرۆژەیاسای بودجەی ساڵی 2019ی هەرێم لە سەرەتای ئامادەكردنیدایە ، بودجەی بەگەڕخستنِ و بودجەی وەبەرهێنان هێشتا نەگەیشتۆەتە ئەنجومەنی وەزیران".
لە درێژەی لێدوانەکەیدا سکرتێری ئەنجومەنی وەزیران وتیشی" راوبۆچوونی هەموو لایەنەكان ئەوەیە كە هەموو هەوڵەكان بخرێنە كار بۆ ئەوەی كۆتایی بە پاشكەوتی مووچە بهێندرێت" .