ئێوارەی ئەمڕۆ یەكشەممە 24ی شوبات، كۆنگرەی لوتكەی عەرەبی - ئەوروپی بە بەشداری ژمارەیەک لە سەرۆک وڵاتانی عەرەبی و ئەوروپی لە شەرم شێخ- ی میسر دەستی بەکارەکانی کرد .
لە کۆنگرەی لوتکەی عەرەبی - میسر د. بەرهەم ئەحمەد ساڵح، سەرۆك كۆماری عیراق و ژمارەیەك لەسەرۆك و سەرۆك وەزیرانی وڵاتانی عەرەبی و ئەوروپی تێیدا بەشدارن.
کۆنگرەکە تایبەتە بەھێزكردنی پەیوەندییەكانی عەرەبی و ئەوروپی لە بوارەكانی بەرەنگاربوونەوەی تیرۆرو گفتوگۆکردن لەبارەی پرسەكانی بازرگانی و وەبەرھێنان و پەرەپێدانی فرەیی سیاسی و كۆچ.
تەوەرێکی دیکەی کۆنگرەکە تاتوێی ڕێكارەكانی ھەماھەنگی ھاوبەش دەکرێت لەبەرامبەر ئەو مەترسیانەی كەڕوبەرووی ناوچەكە دەبنەوە.