یانەی بەرشەلۆنەی ئیسپانی ئێوارەی ئەمڕۆ بەرەسمی گواستنەوەی هێرشبەری فەرەنسی ئەنتوان گریزمانی بۆ ریزەکانی راگەیاند.

یانەی بەرشەلۆنە ئەو یاریزانەی بە بڕی ١٢٠ ملیۆن یۆرۆ گواستووەتەوە کە نرخی هەڵوەشانەوەی گرێبەستەکەیەتی و ئەو بڕە پارەیەش بە ئاتلەتیکۆ مەدرید دراوە.

یانەکە رایگەیاندووە سبەی شەممە پشکنینی بۆ دەکرێت و پێشکەشی هاندەران دەکرێت.

بەرشەلۆنە نرخی هەڵوەشانەوەی گرێبەستەکەی بە ٨٠٠ ملیۆن یۆرۆ لەسەر ئەو یاریزانە داناوە.