بەڕێوەبەری پۆلیسی هەولێر هۆكاری كوشتنی بەڕێوەبەری پێشووی ئاوی كانی قڕژاڵە بۆ كێشەی كۆمەڵایەتی دەگێڕێتەوە و دەشڵێت، بە پێی یاسای توندترین سزا رووبەڕووی تۆمەتبارەكان دەكرێتەوە
عەبدولخالق تەڵعەت بەڕێوەبەری پۆلیسی هەولێر لە میانی كۆنفرانسێكی رۆژنامەوانیدا رایگەیاند ژن و مێردێك و كەسێكی دیكەیان بە تۆمەتی كوشتنی جەمال باپیر بەڕێوەبەری پێشووی ئاوی كۆمەڵگەی كانی قڕژاڵە دەستگیركرد.
روونیشیكردەوە كە تۆمەتبارەكان سەرەتا بە گولـلە قوربانییەكان كوشتووە و پاشان تەرمەكەیان سووتاندووە
ئەوەشی خستەڕوو كە تۆمەتبارەكان لە رێی ئۆتۆمبێلێكەوە لە قەزای سۆران دۆزراونەتەوە
سەبارەت بە سزای تۆمەتبارەكانیش، بەڕێوەبەری پۆلیسی هەولێر رایگەیاند سزای تۆمەتبارەكان قورس دەبێت، چونكە تاوانەكانی پلانداڕشتن، كوشتن و سووتاندنی تەرم و دزینی ئۆتۆمبێلی قوربانییەكەش لەو تاوانەدا كۆبوونەتەوە
عەبدولخالق تەڵعەت ئاماژەشیدا بەوەی تۆمەتبارەكە باسی لەوە كردووە كە كێشەیەكی كۆمەڵایەتی پاڵنەر بووە بۆ ئەنجامدانی تاوانەك