وەک بەردەوامی پاڵپشتیکردن لە هونەری ڕەسەنی کوردی، کۆمپانیای ئاسیاسێڵ پەیوەستنامەیەكی كاری هاوبەشی لەگەڵ هونەرمەندی لاو هەڵوێست محمد ئیمزا كرد بۆ ئەنجامدانی چەندین پرۆژە و چالاكی هونەریی هاوبەش، لەوانە ئەنجامدانی کۆنسێرت و چالاکی جۆراوجۆری سۆشیاڵ میدیا لەگەڵ کۆمپانیای ئاسیاسێڵ، وە پشتگیریکردنی کارو پرۆژەکانی هونەرمەند هەڵوێست لە داھاتوودا.
ئەم هاوئاهەنگییەی نێوان ئاسیاسێڵ و هەڵوێست هەوڵێكە بۆ خزمەتكردنی هونەری كوردی لە بوارەکانی مۆسیقا وگۆرانی کوردی وبوارەکانی تری هونەر. هەروەها پێشتریش ئاسیاسێڵ پشتگیریی چەندین هونەرمەندی كردووە و سپۆنسەری چەندین كاری هونەری بووە لە بواری شانۆ و سینەما و نیگارکێشی و پەیكەرتاشی لەپاڵ هونەری گۆرانی و مۆسیقا.