گۆڕان: چاکسازیەکانی ١٠٠ رۆژی رابردوو لە ئاستی داواکاری خەڵکدا نییە

‌

بزوتنەوەی گۆڕان راگەیەندراوێکی لەسەر تێپەڕێنی 100 رۆژ بەسەر کابینەی نوێدا بڵاوکردەوە ودەڵێت" ھێشتا ھەنگاوەکانی چاکسازی لەئاست خواست و داواکاری خەڵکی ھەرێمی کوردستاندا نییە."


لە راگەیەندراوەکەی ژوری رۆژنامەوانیدا کە میدیاکانی گۆڕان بڵاویان کردۆتەوە، هاتووە" پەیوەندیدار بە وتاری بەرێز سەرۆکی ئەنجومەنی وەزیران لەبارەی ئەدائی حکومەت لە(١٠٠) رۆژی رابردودا، روانگەی بزوتنەوەی گۆڕان ئاشکرایە کە لەسەرەتای دامەزراندنیەوە تا ئەمڕۆ، بەرنامەیەکی سیاسیی گشتگیری ھەیە و پرسی چاکسازی وەک ئەولەویەت سەیردەکات.


ژوری رۆژنامەوانی ئاماژەی بەوەشکردوە هەر لەسەر ئەو بنەمایەش بەشداری کابینەی نۆیەمی حکومەتمان کردوە و، بەگرنگیەوە دەڕوانێتە ھەمو ھەوڵێک و ھەنگاوی چاکسازی.


ژوری رۆژنامەوانی بزوتنەوەی گۆڕان راشیگەیاندوە لەم چوارچێوەیەدا، بڕوامانوایە ھێشتا ھەنگاوەکانی چاکسازی لەئاست خواست و داواکاری خەڵکی ھەرێمی کوردستاندا نیە و، پێویستە ھەنگاوەکان خێراتر و کاریگەرتر و سەرجەم بوارەکانی ژیانی ھاونیشتیمانیان بگرێتەوە.


ئەمە لەکاتێکدایە دوێنی سەرۆکی حکومەتی هەرێم، وتارێکی بەهۆی تێپەڕینی 100 رۆژ بەسەر کابینەی نوێ بڵاوکردەوەو ئاماژەی بۆ چەندان دەستکەوت کرد.
 


PM:04:08:08/12/2019








ئەستێرەکان

Spee Media