سەرپەرشتیاری كۆبونەوەكان و ئەندامی ئەنجومەنی سەركردایەتی یەكێتی رایگەیاند، لەسەر داوای كۆسرەت رەسوڵ کۆبونەوەکانی ئەنجومەنەکە رادەگیرێت.
مستەفا چاوڕەش، سەرپەرشتیاری كۆبوونەوەكانی ئەنجوومەنەکە و ئەندامی ئەنجومەنی سەركردایەتی یەكێتی ڕایگەیاند" كەمێك پیش ئێستا لەسەر داوای كۆسرەت رەسوڵ عەلی سەرۆكی ئەنجومەنی باڵای سیاسی و بەرژەوەندی یەكێتی كۆبوونەوەی ئەنجومەنی سەركردایەتی یەكێتی كۆتایی هات".
وتیشی" دوای گەڕانەوەی كۆسرەت رەسوڵ كۆبوونەوەكانی ئەنجومەنەكە بۆ رایی كردنی ئەركە حزبییەكان و هەماهەنگی ئۆرگانەكان دەستبەكارەكانی دەكاتەوە".
ئەمەش دوای ئەوەدێت لە چەند رۆژی رابردوو كۆسرەت رەسوڵ، لە نووسراوێكدا داوای وەستاندنی كۆبوونەوەكانی ئەنجومەنی سەركردایەتی یەكێتی كردبوو كە كۆبوونەوەكان ھەڵپەسێرێت و تێیدا دەڵێت" تەواوی ئەو بڕیارانەی داوتانن بۆ ئۆرگانەكان، مەترسی لەسەر ھاوسەنگیی ریزەكانمان ھەیە، پێش یەكاڵاكردنی دەسەڵاتەكانی ئەنجومەنی باڵا، لەلایەن لیژنەی ھاوبەشی ھەردوو ئەنجومەنەوە، شەرعیەتی ئۆرگانێكی وەرناگرن".