سبەی ئەم گەڕەکەی سلێمانی کارەبای نیشتمانی و مۆلیدەی نابێت

‌
بەهۆی دانانی پێوەری زیرەک بۆ ماڵان سبەی گەڕەکی زەرگەتە ئەو ماڵانەی دەکەونە سەر فیدەری ٢١ کارەبای نیشتمانی و مۆلیدەیان نابێت. 

لیژنەی سەرپەرشتیاری پڕۆژەی تۆڕی زیرەک لە شاری سلێمانی لە ڕاگەیەنراوێکدا ئاماژەی بەوەکردووە" سبەی یەکشەممە ١٦ی شوباتی ٢٠٢٠ لە گەڕەکی زەرگەتە ئەو ماڵانەی دەکەونە سەر فیدەری ٢١ بەهۆی دانانی پێوەری زیرەکەوە کارەبای نیشتمانی و مۆلیدەیان نابێت". 

ئاماژەی بەوەشکردووە" سبەی لە کاتژمێر ٨ی بەیانی بۆ ٤ی ئێوارە کارەبای نیشتمانی و مۆلیدەیان نابێت، ئەمەش لەپێناو سەلامەتی کارمەندان، هەروەها داوا لە هاوڵاتیان دەکەین هاوکاری لیژنەکە بن". 

هاوڵاتیانیشی ئاگادارکردۆتەوە" داوا لە هاوڵاتیان دەکەین سەرجەم ئامێرە کارەباییەکان بکوژێنەوە و دواتر پاش هاتنەوەی کارەبا یەک یەک دایان بگیرسێننەوە، ئەمەش لەپێناو دروستنەبوونی شۆرتی کارەبا". 

ئەمەش لەکاتێکدایە دانان و بەستنی پێوەری زیرەک دەستی پێکردووە و پێشتر هەریەک لە گەڕەکەکانی بەکرەجۆ و سەرچنار پیوەرەکانیان بۆ بەستراوە.
 


PM:08:57:15/02/2020








ئەستێرەکان

Spee Media