وەزارەتی كارەبای حكومەتی هەرێمی كوردستان بڕیاریدا بە بەشێك لە داهاتی كارەبا بەمەبەستی ئەنجامدانی پڕۆژەكانی كارەبا لە سەرجەم شارو شارۆچكەكان دەسەڵاتەكەی بدرێتەوە بەخۆیان.
لەبڕیارێکدا کە دوێنێ چوارشەممە دەرچووە و وێنه‌یه‌كی ده‌ست "سپی" كه‌وتووه، تیایدا ئەندازیار كەمال محه‌مه‌د ساڵح، وەزیری كارەبای حكومه‌تی هه‌رێم دەسەڵاتی تەمویلكردنی رێژەی لە 8%ی لەداهاتی كارەبای بۆ ژمێریاری رەوان (حساب الجاری) داوە، بۆ ئەنجامدانی پرۆژەكان لە سەرجەم بەڕێوەبەرە گشتیەكان و لەرێگای خۆیان ئەم دەسەڵاتە بدەنە بەڕێوەبەرایەتی قەزاكان.
باسی لەوەشکردووە، لەدوای ئەو بڕیارە بەڕێوەبەرایەتییە گشتیەكانی وەزارەت و بەڕێوەبەرانی قەزاكان دەتوانن بەشێوەیەكی كاراترو بێ رۆتین و دواخستن ئەو پرۆژانە جێبەجێ بكەن كە بۆ هاوڵاتیان پێویستیانە و لە جێبەجێكردنیدا پێویستی بەمۆركێكی خێرایی هەیە.