بەهۆی بڵاوبوونەوەی نەخۆشی كۆرۆنا لە یەكێك لە پارێزگاكانی ئێران، حكومەت دەوامی قوتابخانە و زانكۆكانی راگرت تا كاتێكی نادیار.
عەلی روبێعی، وتەبێژی حكومەتی ئێران رایگەیاندووە" بۆ رووبەڕبوونەوەی نەخۆشی ڤایرۆسی كۆرۆنا، بە فەرمانی حەسەن رۆحانی، سەرۆك كۆماری ئێران دەوامی قوتابخانە و زانكۆكان بۆ كاتێكی نادیار لە پارێزگای قوم راگیران".
ئەمەش لەکاتێکدایە دوێنێ وەزارەتی تەندروستی ئێران رایگەیاند کە دوو کەس تووشبووی کۆرۆنا بوون و بەو هۆیەشەوە گیانیان لەدەستداوە.
هاوکات بەیانی ئەمڕۆ ئاژانسی هەواڵی ئێرنای ئێرانی بڵاویکردەوە: کە ٦ کەسی دیکە تووشبووی کۆرۆنان و لە ئێران خراونەتە ژێر چاودێرییەوە.