ئەمشەو ١١ی ئازار هێرشکرایە سەر هێزەکانی ئەمەریکا لەسەربازگەی تاجی لە بەغداو زانیاریە سەرەتاییەکان باسی ١٠ مووشەکی کاتیوشا دەکەن.
گرووپی میدیای ئەمنی عێراقی رایگەیاند " بە ١٠مووشەکی کاتیوشا هێرشکرایە سەر سەربازگەی تاجی، ئەو هێرشە هیچ زیانێکی گیانی بەداوە نەبووە".
گرووپی میدیای ئەمنی ئاشکرای کرد کە ئۆتۆمبیلێکی جۆری کیا " بنکو " لە باشووری راشیدیە دۆزیوەتەوە کە بنکەی مووشەکەکانیان لەسەر بەستراوە".
لە مانگەکانی رابردوودا چەند جارێک بنکە سەربازی و دیبلۆماسیەکانی ئەمەریکا رووبەڕووی هێرشی مووشەکی بوونەتەوە، ئەمەریکاش میلیشیا چەکدارەکانی سەر بە ئێرانی تۆمەتبار کردووە.