وەزیری تەندروستی حکومەتی هەرێم لەبەر ڕۆشنایی هەڵسەنگاندنیان بۆ دۆخەکە داوا دەکات رێکارەکان توندتۆڵ بکرێت.
لەراگەیاندنێک د. سامان بەرزنجی وەزیری تەندروستی هەرێم دەڵێت "هەموو هەڵسەنگاندنەکان وا دەخوازێت ڕێککارەکان توندوتۆڵ و زیاتر بکرێت بۆ نەهێشتنی تەشەنەکردنی بڵاوبوونەوەی ڤایرۆسی کۆڕۆنای نوێ COVID-19".
هەروەها وەیزیر تەندروستی دەشڵێت "سوپاس بۆ هەموو لایەنە پەیوەندارەکان، تکایە با تەندروستی هاوڵاتیان لەپێش هەر کارێکی تر بێت، بە پابەندبوونمان بە مانەوە لە ماڵ و دوورکەوتنەوە لە بەرککەوتنی یەکتر کوردستانی خۆشەویست لە کارەسات دەپارێزین".
ئەو لێدوانە بەپەلەیەی ئەمشەوی وەزیری تەندروستی هەرێم لە کاتێکدایە ژمارەی ئەو تووشبوانەی وەزارەتی ناوبراو دەستی پێدەگات لەسلێمانی نەبێت تا ڕادەیەک باش و وەستاوە، لە شوێنەکانی تری وەک هەولێر و دهۆک و کەرکوک و ناوچەکانی عێراق و تورکیاو ئێرانی دراوسێ لە هەڵکشاندان.