وەزیری پەروەردەی هەرێمی کوردستان رایگەیاند" تاقیكردنەوەكانی پۆلی ١ی بنەڕەتی تا پۆلی١١ ئامادەیی لە ١/٦ بۆ ١٠/٦ ئەنجام دەدرێت".
لە لێدوانێکی رۆژنامەوانی د. ئالان حەمە سەعید وەزیری پەروەردە رایگەیاند " خوێندنی ئەمساڵی خوێندكاران نافەوتێت، ئەگەر تا رۆژی ٢/٥ نەتوانین دەرگای قوتابخانەكان بكەینەوە، ئەوا داخڵ بوونی گشتی پەیڕەو دەكەین، واتا هەموو قوتابیان داخڵی تاقیكردنەوەكان دەبن".
لە درێژەی لێدوانە ڤیدیۆیەکەیدا وەزیری پەروەردە وتیشی " تاقیكردنەوەكانی پۆلی ١ی بنەڕەتی تا پۆلی ١١ ئامادەیی لە١/٦ بۆ ١٠/٦ ئەنجام دەدرێت".
د. ئالان حەمە سەعید وردەکردنەوەی زیاتر خستەڕوو "خوێندكاران بابەتەكانیان بۆ دیاری دەكرێت كە چی داخڵ دەكرێت و تا كوێ داخڵ دەكرێت، لە هەفتەیەكیشدا دوو تاقیكردنەوە دەكەن رۆژانی یەكشەممە و پێنجشەممە".