هەولێر.. دوو تووشبووی کۆرۆنا چاکبوونەوە

‌
به‌ڕێوه‌به‌ری گشتی ته‌ندروستی هه‌ولێر ئه‌مڕۆ شه‌ممه‌ رایگه‌یاند" دوو توشبوی دیكه‌ی ڤایرۆسی كۆرۆنا چاكبونه‌ته‌وه‌، كۆی چاكبوانی پارێزگاكه‌ش گه‌یشتوه‌ته‌ ١٦٩ كه‌س".


لە راگەیەندراوێکدا ته‌ندروستی هه‌ولێر، د. دلۆڤان محه‌مه‌د رایگه‌یاند" دوو نه‌خۆشی توشبوو به‌ ڤایرۆسی كۆڕۆنا COVID – 19 دوای وه‌رگرتنی چاره‌سه‌ری پزیشكی به‌ته‌واوی چاكبونه‌ته‌وه‌ و باری ته‌ندروستییان ته‌واو جێگیر بوه‌ته‌وه‌، پشكنینی تایبه‌تی یه‌كیان له‌دوای یه‌كی بۆ كرایه‌وه‌ كه‌ نێگه‌تیڤ بو و بڕیاردرا بنێردرێنه‌وه‌ ماڵه‌وه"‌.
 
تەندروستی هەولێر ئاماژە بۆ ئەوەش دەکات كۆی ئه‌و كه‌سانه‌ی كه‌ هه‌ڵگری ڤایرۆسه‌كه‌ بون و چاكبونه‌ته‌وه‌ گه‌یشتوه‌ته‌ 169 كه‌س.



بەپێی دوا ئاماری وه‌زاره‌تی ته‌ندروستی هه‌رێم، 387  توشبوی ڤایرۆسی كۆرۆنا تۆماركراوه‌، له‌نێویاندا پێنج مردن هه‌یه‌، هاوكات 332  كه‌سیش چاكبونه‌ته‌وه‌ و ڤایرۆسه‌كه‌یان په‌ڕاندوه‌.
 


PM:06:56:03/05/2020








ئەستێرەکان

Spee Media