بەهۆی دواكەوتنی موچەكانیان كە ماوەی 53 رۆژە مووچەیان پێنەدراوە، ژمارەیەك لە فەرمانبەرانی پەروەردەی گەرمیان مانگرتنیان راگەیاند.
ئەو فەرمانبەرانە رایانگەیاند وەك بەشێك لە كارمەندو فەرمانبەرانی پەروەردەی گەرمیان دژی پێنەدانی موچە مانگرتنیان دەستپێكردوەو بەهۆیەوە نەچونەتە شوێنی كارەكانیان.
هەروەها ئەوەشیان خستەڕوو كە ماوەی (53) رۆژە موچەكانیان وەرنەگرتوەو تاوەكو موچەكانیان پێنەدرێت لەمانگرتن بەردەوام دەبن.