وەزیری تەندروستی هەرێم رایگەیاند " مووچەی وەزارەتی تەندروستی ئامادەیەو دەست بەدابەشکردنی دەکرێت".
د. سامان بەرزنجی لە کۆنگرەیەکی رۆژنامەگەریدا رایگەیاند" مووچەی وەزارەتی تەندروستی ئامادەیە و سبەی یان دوو سبەی دەست بەدابەشکردنی دەکرێت".
بەپێی لێدوانەکەی وەزیری تەندروستی بێت، سەرەتا وەزارەتی تەندروستی مووچە وەردەگرێت.
وەزیری ناوبراو ئاشکرای نەکرد کە مووچەی ئەم مانگەی وەزارەتەکەی بەکەمکردنەوەکەوە دابەشدەکرێت، یان وەک مانگی رابردوو ئاسایی دەبێت.
لە دوا کۆبوونەوەی ئەنجومەنی وەزیران کەسەرەتای ئەم هەفتەیە سازکرا، وەک راگەیەندرا حکومەتی هەرێم بۆ دابەشکردنی مووچە ٦٠٠ ملیار دیناری لەبەردەستدایە، تا ئێستا رانەگەیەندراوە کە دوای وەزارەتی تەندروستی دابەشکردنی مووچەی وەزارەتەکانی دی بەردەوام دەبێت.