نوێنەری حکومەتی هەرێمی کوردستان لە ئێران، نازم دەباغ چاکبوونەوەی خۆی لە پەتای کۆرۆنا راگەیاند.
نازم دەباغ، نوێنەری حکومەتی هەرێمی کوردستان لە ئێران بە ماڵپەڕی خەندان-ی راگەیاندووە" دوای ئەوەی ١٣ی حوزەیران ئەنجامی پشکنینی تایبەت بە کۆرۆنای کردوە، ئەنجامەکەی پۆزەتیڤ بوە و توشی کۆرۆنا بوە، رۆژی ٢٩ی حوزەیرانیش دوبارە پشکنینی بۆ کراوە و ئەنجامەکەی دەرچوە کە نێگەتیڤ بوە و چاکبوەتەوە".
نوێنەری حکومەتی هەرێم لە ئێرانی وتیشی" سبەی پێنجشەممە دواین پشکنینم بۆ دەکرێت بە مەبەستی دڵنیابونەوە لەوەی بە تەواوی پەتاکەم پەڕاندوە و دواتر دەتوانم بچمەدەرەوە، رۆژی دوشەممە پشکنینێکی دیکەم ئەنجامدا و ئەنجامەکەی نێگەتیڤ بوە و چاکبومەتەوە".
١٣ی حوزەیران نوێنەری حکومەتی هەرێم لە ئێران رایگەیاند توشی کۆرۆنا بوە، لەبارەی هۆکاری توشبونیشی وتی، " "ناتوانی بزانیت چۆن توشبویت، تۆ لە نوسینگەی خەڵک دێتەلات و دەڕوات، بەڵام خۆم نەچومەتە شوێنی قەرەباڵغ، لە دو هەفتەی رابردوشدا لە ماڵەوە خۆمان کەرەتین کردبو".