کەمێک پێش ئێستا وەزیری دەرەوەی فەڕەنسا گەیشتە شاری هەولێر و بڕیارە سبەی هەینی لەگەڵ بەرپرسانی هەرێمی کوردستان کۆبێتەوە.
بەپێی زانیارییەکان، ئەمشەو ژان ئیڤ لۆدریان، وەزیری دەرەوەی فەرەنسا بە فڕۆکەیەکی تایبەت گەیشتە فڕۆکەخانەی نێودەوڵەتیی هەولێر و لەلایەن قوباد تاڵەبانی، جێگری سەرۆکوەزیرانی هەرێمی کوردستان و سەفین دزەیی، بەرپرسی فەرمانگەی پەیوەندییەکانی دەرەوەی هەرێمی کوردستان پێشوازی لێکرا.
بڕیارە لۆدریان لەگەڵ بەرپرسانی هەرێمی کوردستان کۆبێتەوە و لەبارەی پەیوەندیەکانی هەولێر و پاریس و دۆخی عێراق و ناوچەکەوە گفتوگۆ بکەن.
ئەمەش لە کاتێکدایە، ئەمڕۆ پێنج شەممە ژان ئیف لۆدریان گەیشتە بەغدای پایتەخت و لەلایەن فواد حسێن، وەزیری دەرەوەی عێراق و پاشان لە کۆشکی سەلام لەگەڵ بەرهەم ساڵح، سەرۆک کۆماری عێراق و مستەفا کازمی، سەرۆک وەزیرانی عێراق کۆبوەوە.