وەزیری پەروەردە هیچ وادەیەکی بۆ دەستپێکردنی ساڵی خوێندن رانەگەیاند

‌


وه‌زیری په‌روه‌رده‌ی حكوومه‌تی هه‌رێمی كوردستان رایگه‌یاند "سه‌باره‌ت به‌ ده‌ستپێكی ساڵی نوێی خویندن، دوێنێ كۆبوونه‌وه‌ی ئه‌نجوومه‌نی وه‌زاره‌تمان هه‌بوو و ئاماژه‌مان به‌ چه‌ند خاڵێك كردوووه‌".


ئەمرۆ چوار شەممە ٥ ی ئاب له‌ كۆنگره‌یه‌كی رۆژنامه‌وانیدا د. ئالان حەمە سەعید رایگەیاند "‌ به‌رنامه‌یه‌كیان داناوه‌ بۆ چۆنیه‌تی ده‌ستپێكی ساڵی نوێی خوێندنی (2020 ـ 2021)"، هەروەها وتیشی "‌ ساڵی نوێی‌ خوێندن ره‌هه‌ندی ته‌ندروستی تێدایه وپێویستمان بەهەڵسەنگاندنی دۆخی تەندروستییە"‌.


 وەزارەتی پەروەردە سەرقاڵی دانانی بەرنامەی ساڵی نوێی خوێندنەو وتی " وه‌زاره‌ت خه‌ریكی دوایین خاڵه‌كانی به‌رنامه‌یه‌كه‌ كه‌ ده‌یه‌وێت پێشكه‌شی ئه‌نجومه‌نی وه‌زیرانی بكات كه‌ تایبه‌ته‌ به‌ چۆنیه‌تی ده‌ستپێكی ساڵی نوێی خوێندنی (2020 ـ 2021)".



وەزارەتی پەروەردە پێویستی به‌ راوێژ و راوه‌رگرتن و فه‌رمان ده‌رپێكردن ده‌بێت له‌لایه‌ن ئه‌نجوومه‌نی وه‌زیرانه‌وه‌، هەر بۆیه‌ ئه‌و بابه‌ته‌ ده‌خرێته‌ به‌رنامه‌ی‌ كاری‌ یه‌كێك له‌ كۆبوونه‌وه‌كانی ئه‌نجومه‌نی وه‌زیران.( هەر وەک د. ئالان حەمە سەعید ئاماژەی بۆ کرد).
 


PM:12:48:05/08/2020








ئەستێرەکان

Spee Media