تا ئێستا هیچ وادەیەک بۆ دابەشکردنی مووچەی مانگی تشرینی یەکەمی ساڵی ٢٠٢٠ دیار نییە، وەزارەتی داراییش ئاماژە بۆ ئەوە دەکات، لێبرینی مووچە كەم دەكرێتەوە.
سەرچاوەیەکی ئاگادار لە وەزارەتی دارایی و ئابوری حکومەتی هەرێمی کوردستان ڕاگەیاند" لە ئێستادا تەنها موچەی سێ وەزارەت ئامادەیە و حکومەت سەرقاڵی کۆکردنەوەی داهاتەکانییەتی بۆ دابەشکردنی موچە".
سەرچاوەکەی وەزارەتی دارایی هەرێم وتیشی" ئەگەر هەیە لێبڕینی موچەی ئەم مانگە ١٠% یان کەمتر بێت، بەڵام لەبەر ئەوەی داهاتی بەردەم حکومەت روون نییە، بۆیە بڕیاری کۆتایی نەدراوە".
حكومەتی هەرێم تەنها چوار مووچەی ئەمساڵی فەرمانبەرانی دابەشكردووە، دوو مووچەی مانگەكانی ٢ و ٣ی بە لێبڕینی ٢١% دابەشكرد، هەروەها مووچەی مانگی ٩ی بە لێبڕینی ١٨% دابەشكرد.