ئهندامێكی لیژنهی دارایی له ئەنجوومەنی نوێنەرانی عێراق رایدەگەیەنێت" رەوانە نەکردنی بودجەی ساڵی ٢٠٢١ بۆ پەرلەمان دەبێتە هۆی ئەگەری دواکەوتنی موچە و پڕۆژە خزمەتگوازرییەکان".
ئەحمەد حاجی رەشید، ئەندامی لیژنەی دارایی لە پەرلەمانی عێراق لەراگەیەنراوێکدا ئاماژەی بەوەکردووە" رەوانە نەکردنی بودجەی ساڵی ٢٠٢١ بۆ پەرلەمانی عێراق سەرەڕای بەڵێنەکانی حکومەت بۆ لیژنەی دارایی و راگەیاندنکاران، دەبێتە هۆی دواکەوتنی موچە و پڕۆژە خزمەتگوازرییەکان".
باس لەوەشدەکات، حکومەتی عێراق بەرپرسیارە بەرامبەر ئەگەری دواکەوتنی موچە و پڕۆژە خزمەتگوازرییەکان، هەروەها پێویستە بەرپرسیاریەتی نەرەخساندنی هەلی کار و کێشە داراییەکانی دیکەش لەئەستۆ بگرێت.