لیژنەی ئەمنی باڵای سلێمانی هەڕەشە دەکات کە کە هێزە ئەمنییەکان چیتر رێگە نادەن " خۆپیشاندانە بێ مۆڵەتەكان بەردەوامییان هەبێت و سەر بكێشن بۆ پشێویی و توندوتیژیی".
دەقی ئاگادارییەکەی لیژنەی ئەمنی..
ئاگــــادارییەك لــــــە لیژنەی بـــــــاڵای ئەمنییەوە..
1- هێزە ئەمنییەكان چیتر رێگە نادەن خۆپیشاندانە بێ مۆڵەتەكان بەردەوامییان هەبێت و سەر بكێشن بۆ پشێویی و توندوتیژیی.
2- لێرە بەدواوە هەموو جۆرە گردبوونەوەو خۆپیشاندانێكی بێ مۆڵەت و زیانگەیاندن بەمومتەلەكاتە گشتی و تایبەتەكان، كە بۆ خزمەتی هاووڵاتییانن، قەدەغەن، هێزەكان دەستكراوەن بۆ راگرتن و مامەڵەكردن لە چوارچێوەی یاسادا.
3- سەرجەم ئەو كەسانەش لەلایەن هێزە ئەمنییەكانەوە بەڕێكاری یاسایی دەستگیر دەكرێن، كە زیانیان گەیاندووە بەمومتەلەكاتی دەوڵەت و هەموو ئەوانەش كە لەپشتی هاندانی ئەو كەسانەوە بوون.
4- داوا لە سەرجەم لایەنە سیاسییەكان دەكەین كە بەرپرسانە لەگەڵ دۆخەكەدا مامەڵە بكەن.
5- پێویستە كەناڵەكانی راگەیاندن بەگیانێكی بەرپرسیارانەوە مامەڵە لەگەڵ رووداوەكاندا بكەن.
راگـــەیەنــراوی لـــیژنەی بـــــــاڵای ئەمنی