پەرلەمانتارێکی هاوپەیمانی سائیرون لە پەرلەمانی عێراق، هۆکاری رێکنەکەوتنی نێوان هەولێر و بەغدا ئاشکرا دەکات.
سەلام شەمەری پەرلەمانتاری هاوپەیمانی سائیرون، لەڕاگەیەنراوێکدا کە میدیا عێراقییەکان بڵاویان کردۆتەوە، هۆکاری رێککنەکەوتنی نێوان هەرێم و بەغدا دەگەڕێنێتەوە بۆ " پابەندنەبوونی بەرپرسانی هەرێم بەهیچ ڕێککەوتنێکی پێشووەوە هەموو پەرلەمانتار و لایەنە سیاسیەکانی خستووەتە بەردەم بەرپرسیارێتیەکەوە کە دەپرسن تاکەی ڕێککەوتن بکرێت و لایەنی دووەم کە هەرێمە جێبەجێیان نەکات؟".
سەلام شەمەری لەو بەیانەدا دەشڵێت " هەمووان لەگەڵ رێککەوتنی نوێدان لەگەڵ هەرێم، بەجۆرێک کە مافی خەڵکی بەشێوەیەکی گشتی تیایدا دەستەبەربێت".
پابەند نەبوونی هەرێم بەڕێککەوتنەکانی پێشوو بەتایبەت ڕێگە نەدان بەهاوردەکردنی کەلوپەل و بەرهەم گەلێک کە لەناوخۆدا زۆرن و چەندین کاری تر بووەتە هۆی دواکەوتن بەگەیشتنی ڕێککەوتنێکی نوێ لەنێوان فیدراڵ و هەرێم.( وەک شەمەری ئاماژەی بۆ دەکات).