حکومەتی هەرێم بۆ مووچەدان دوو رێگا چارە ئاشکرا دەکات

‌
وەزیری پلاندانانی حکومەتی هەرێمی کوردستان دوو سیناریۆی ئاشکراکرد بۆ دابینکردنی موچەی فەرمانبەران و پڕکردنەوەی خەرجییەکان، یەکێکیان رێککەوتنە لەگەڵ بەغداو، ئەوی تریشیان پشتبەستنە بە داهاتی ناوخۆ.


  
لە کۆنگرەیەکی رۆژنامەوانیدا، کە ئەمڕۆ پێنج شەممە سازیکرد، دارا رەشید وەزیری پلاندانان ئاشکرای کرد هەفتەی داهاتوو شاندی هەرێم دەچێتەوە بەغدا، بەمەبەستی هەوڵدان بۆ جێگیرکردنی رێککەوتنەکەیان لەگەڵ بەغدا و تیپەڕاندنی لە پەرلەمان.  
  


وەزیری پالادانان وتیشی "ئێستا دوو سیناریۆمان لەبەردەستدایە، یەکەم ئەوەیە ئەگەر لەگەڵ بەغدا بگەنە رێککەوتن، هەرێم سێ سەرچاوەی داهاتی دەبێت وەکو پشکی هەرێم لەبەغدا، داهاتی نەوت و داهاتی نانەوتی".

  


د. دارا رەشید ئەگەری دووەمیش خستەڕوو، ئەگەر لەگەڵ بەغدا نەگەنە ڕێککەوتن، پشت بە داهاتی خۆیان دەبەستن و کاردەکەن بۆ زیادکردنی داهات و کەمکردنەوەی خەرجی.


    
لەبارەی بڕیاردان لەسەر لێبڕینی ٣٥٪ موچەی مووچەخۆران، دارا رەشید وتی "ئەوە راست نییە، ئەگەر نەگەیشتنینە رێککەوتن، زۆرترین داهات بۆ موچە دەبێت و بەهیچ شێوەیەک باسی ئەو رێژەیە نەکراوە، ئەوەشی خستەڕوو کە بڕواناکات  تەمویلی ٧٩٪ ی موچە کەمتر بکرێتەوە، مەگەر قەیرانێکی گەورەی دارایی بێتە پێش.  "
 


PM:03:49:21/01/2021



ئەستێرەکان

Spee Media