پەرلەمانی کوردستان رایگەیاند " لەکۆبونەوەی دوێنێی لیژنەی سامانەسروشتییەكان بڕیاردراوە لە کۆبونەوەی داهاتودا میوانداریی کەمال ئەتروشی، وەزیری سامانەسروشتییەكان بکات".
پەرلەمانی کوردستان لەراگەیەندراوێکدا " بڵاویکردەوە، بەمەبەستی تاوتوێكردنی پرسی پاڵاوتنی نەوت لەناوخۆی هەرێمی كوردستان بۆ پێداویستییە ناوخۆییەكان، دوێنێ سێشەممە لیژنەی وزەو سامانەسروشتییەكان و پیشەسازی و بازرگانی، بەسەرپەرشتیی عەلی حەمە ساڵح بەشێوەی ئۆنڵاین كۆبوەوە و تاوتوێی راپۆرتی دیلۆیت كرا".
لە راگەیاندنەکەدا هاتووە " لەکۆبونەوەکەدا بڕیاردرا بەڕاپۆرتێك تەواوی تێبینی و سەرنج و پێشنیازەكان ئاڕاستەی وەزارەتی سامانەسروشتییەكان و ئەنجومەنی هەرێمی بۆ كاروباری نەوت و گاز بكرێت بەمەبەستی وەرگرتنەوەی وەڵامەكانی لیژنەكە."
دەربارەی کاتی کۆبوونەوەکە لە راگەیاندنراوەکەدا خراوەتەڕوو کە لەكۆبونەوەی داهاتودا لەڕۆژی ٢ ی شوبات، کاتژمێر ١١ی پێشنیوەڕۆ میوانداریی وەزیری سامانەسروشتییەكانی حكومەتی هەرێم دەکرێت، بەمەبەستی گفتوگۆكردن لەسەر كەمكردنەوەی خەرجیی دەرهێنان و هەناردەكردنی نەوت لەهەرێمی كوردستاندا.
ئەمە یەکەم کۆبوونەوەیە کە رای وەزیری نوێی سامانە سروشتییەکان تایبەت بەو بابەتانەی پەیوەندی بەنەوتەوە هەهە لەهەرێمی کوردستاندا بزانرێت.