وەزارەتی بەرگری ئەمەریکا وەڵامی بۆ هێرشەکەی سەر هەولێر دەبێت

‌
وەزارەتی بەرگریی ئەمریکا (پنتاگۆ) ڕایگەیاند" ئەمریکا بەگوێرەی ئەنجامی لێکۆڵینەوەکان وەڵامی دەبێت بۆ هێرشە موشەکییەکەی هەولێر".


لە زاری بەرپرسێکی باڵای وەزارەتی بەرگریی ئەمریکاوە کە کەناڵی ئەلعەربییە بڵاویکردەوە، ئاشکرای دەکات " لە ئاستێکی باڵادا پەیوەندی بە وەزارەتی بەرگریی عێراقەوە کراوە لەبارەی هێرشەکان، سورین لەسەر پاراستنی سەرباز و هاوڵاتیانمان لە عێراق".


کەناڵەکە لە زاری ئەو بەرپرسەوە بڵاویکردەوە "چەند بژاردەیەک دەدەینە فەرماندەیی ئەمریکا و سەرۆک بایدن بۆ وەڵامدانەوەی هێرشەکان."  


هاوکات وەزارەتی بەرگریی ئەمریکا ڕایگەیاند، لوید ئۆستن، وەزیری بەرگریی ئەمریکا پەیوەندی بە جومعە عیناد، وەزیری بەرگریی عێراقەوە کردووە و تاوتوێی هێرشەکەی دوێنێ شەوی سەر هەولێریان کردووە.  
 


PM:08:44:16/02/2021








ئەستێرەکان

Spee Media