ماڵپه‌ڕی سبه‌ی زمانحاڵێ بزووتنه‌وه‌ی گۆڕان دوێنێ شه‌و 19-6 له‌ میانه‌ی هه‌وڵێکدا له‌ زاری ئامۆزای ئه‌و نه‌قیبه‌وه‌ که‌ناوی وریا محه‌مه‌ده‌ بڵاویکرده‌وه‌" نه‌قیب ئه‌سعه‌د جه‌باری له‌ ریزه‌کانی پێشمه‌رگه‌ له‌ سنوری پارێزگای موسڵ له‌شه‌ڕدا گیانی له‌ده‌ستداوه"‌.

ماڵپه‌ری سبه‌ی باس له‌وه‌ ده‌کات " ئه‌و شه‌هیده‌ یه‌كێك بوو له‌و رێپێدراوانه‌ی‌ كۆمسیۆن كه‌ له‌ ئه‌لبیسه‌كه‌ی‌ سلێمانی‌ له‌كاتی به‌رگریكردن له‌ ده‌نگه‌كانی خه‌ڵكی كوردستان و لیستی گۆڕان شه‌وی 2/5/2014 له‌لایه‌ن هێزه‌كانی ئاسایش و دژه‌ تیرۆره‌وه‌ رفێنرا و پاش ئه‌شكه‌نجه‌ و ئازاردانێكی زۆر، دواتر له‌سه‌ر شاشه‌ی‌ كه‌ناڵی‌ یه‌كێك له‌ حیزبه‌كانه‌وه‌ وه‌ك تاوانبار نیشاندرا".