پۆلیسی پارێزگای سلێمانی ڕایدەگەیەنێت" مەفرەزەكانی بەشی پۆلیسی نەهێشتنی تاوانی سلێمانی ئه‌و دوو تەقەكەره‌یان دەستگیركردوه كه له‌گۆیژه ته‌قه‌یان كردوه".
لە راگەیەنراوێکدا بەڕێوەبەرایەتی پۆلیسی پارێزگای سلێمانی باسی لەوەکردووە، رۆژی 21-3-2021 مەفرەزەكانی بەشی پۆلیسی نەهێشتنی تاوان، كە لەناو شارو ناوچەگەشتیارییەكان بڵاوەیان پێكرابوو دوو تۆمەتباریان دەستگیركرد، كە لە ناو سلێمانی و شاخی گۆیژە تەقەیان كردبوو.
ئاماژە بەوەشکراوە، لەكاتی دەستگیركردنی تۆمەتباراندا دەستبەسەر ئۆتۆمبێلێکی بێ سەرەتاو چەكێك لە جۆری دەمانچەدا گیراوە کە بەتۆمەتباران بووە، دوو تۆمەتبارەکە لە دایکبوی (2003 و 2001)ن، بە بڕیاری دادوەر راگیراوان و لێکۆڵینەوە لەگەڵیان بەردەوامە.