بڕیارە ئەمڕۆ شەممە بەبۆنەی رۆژی جیهانی کرێکارانەوە لە شاری سلێمانی خۆپیشاندانی جەماوەری ساز بکرێت.
لە بانگەوازێکدا کە ئاڕاستەی کرێکاران و مووچەخۆران و خانەنشینان کراوە کۆمیتەی مەراسیمی یەکی ئایار ئاماژەی بەوەکردووە" ئەمڕۆ شەممە کاتژمێر ٣:٣٠ خولەکی پاشنیوەڕۆ لە شەقامی سالمی سەهۆڵەکەی شاری سلێمانی ڕێپێوانێکی جەماوەری دەستپێدەکات بۆ بەردەم باخی گشتی".
باسی لەوەشکردووە، لە خۆپیشاندانەکەدا وتاری کۆمیتەی مەراسیم و چەند سرود و هۆنراوەی شۆڕشگێرانە پێشکەشدەکرێت.
یەکی ئایار كە لە خەباتی جیهانی كرێكارانەوە لە پێناو دانانی پێوانەیەكی هاوبەش بۆ ماوەی كاركردنی رۆژانە سەریهەڵداوە لە چەندین وڵاتی جیهان وەك رۆژی جیهانیی كرێكاران و جەژنی كرێكاران، یاددەكرێتەوە.