وەزارەتی کشتوکاڵی عێراق رایدەگەیەنێت " چەند شاحینەیەک لەتورکیاوە هاتون و بەناو خاکی هەرێمدا تێپەڕیون کە ژمارەیەکیان هەڵگری ڤایرۆسی ئەنفلۆنزای باڵندە بون و گوازراونەتەوە بۆ کێڵگەکانی پەلەوەر لەچەند پارێزگایەک".
حەمید نایف وتەبێژی وەزارەتی کشتوکاڵی عێراق شەممە ٥ ی حوزەیران رایگەیاند " ژمارەیەک شاحینەی مریشکی سپی لەتورکیاوە هاتوە و بەناو خاکی هەرێمی کوردستاندا تێپەڕیوە کە هەڵگری ڤایرۆسی ئەنفلۆنزای باڵندەبون و گوازراونەتەوە بۆ پارێزگاکانی بەسرە و ئەنبار".
وەزارەتی کشتوکاڵی عێراق رایدەگەیەنێت دوای ئاشکرابوونیئەو مریشکانە بە تەواوی لە کێڵگەکانی بەسرە و شوێنەکانی دیکەش لەناوبراون بۆ بەرگرتن لە بڵاوبوونەوەی ئەو ڤایرۆسە.
وەزارەتی کشتوکاڵ دڵنیانی دەدات لەئێستادا دۆخەکە کۆنترۆڵکراوە و هیچ مەترسییەک لەئارادا نییە، بەڵام پێوەیستە هۆشیارانە هەنگاوبنێن بۆ کۆنترۆڵکردنی تەواوەتی.
لەمیانی سەردانی بۆ هەرێمی کوردستان، محەمەد خەفاجی وەزیری کشتوکاڵ ئەوبابەتەی لەگەڵ بەرپرسانی هەرێم تاوتوێکردوە. (وەک وەزارەتی کشتوکاڵی عێراق رایگەیاندووە).