هەڵمەتی هێرشی راگەیاندنی بەرپرسانی راگەیاندنی پارتی و یەکێتی درێژەی هەیەو لە دوا وەڵامدانەوەی ئەندامێکی سەرکردایەتی پارتی دەڵێت " ئایا هێنانی سوپای پاسداراب بۆ سەر حیزبی دیموکراتی کوردستانی ئێران دەستکەوتی نیشتمانی بوو؟".
عەلی عەونی ئەندامی سەرکردایەتی پارتی دەڵێت " ئەوانەی پێیان وایه هـێنانی لەشكەری بەعس خیانەت بوو دەبێت له خۆیان بپرسن هـێنانی سوپای پاسداران بۆ سەر (حدكا و كۆمەڵه)و سەر پارتی خزمەت و دەستكەوتی نیشتمانی بوو؟".
ئەو ئەندامەی سەرکردایەتی پارتی دەشڵێت " له روی یاساییه وه پارتی سوپای ئەو عێراقەی به كرێ گرت كه یەکێتی ئێستاش دڵی بۆ لێدەدات".
لە ساڵرۆژی داگیرکردنی هەولێر لەلایەن پارتیەوە بە هاوکاری بەعس لە ٣١ ی ئابی ١٩٩٦ هەڵمەتێکی توندی میدیای لە یەکێتی لە مەکتەبی سیاسیەوە بۆ کادیرانی خوارەوە دژی پارتی و ئەو رووداوە دەستی پێکردووەو، هەرچی پارتیشە وەڵامی توندی یەکێتی دەداتەوە.