چوار ئەندامی ئەنجوومەنی نوێنەرانی عێراق ڕایدەگەیەنن" بەرپرسانی حکومەتی فیدڕاڵی ڕەزامەندییان نیشانداوە بە کردنەوەى بەڕێوەبەرایەتی پاسپۆرتی پێنجوێن".
لە ڕونکردنەوەیەکدا هەریەک لە ئەحمەد حاجی ڕەشید، رێبوار کەریم، غالب محەمەد عەلی و سەرکەوت شەمسەدین ئەندامانی پەرلەمانی عێراق ئاماژە بەوەدەکەن" دوێنێ سەردانی وەزارەتی ناوخۆمان کرد و لەگەڵ هەریەك لە بەشەکانی ئاسایشی فیداڵی و رەگەزنامەو باری شارستانی و کارتی زانیاری و سەرچاوە مرۆییەکانمان و نوسینگەی وەزیرمان کرد".
دەشڵێن" پرسی گواستنەوەی موچەی فەرمانگە فیدراڵیەکانمان تاووتوێ کرد کە بەپێی یاسای بودجەی ساڵی 2021 پەسەندکراوە کە لە قۆناغی وردبینی دایە لەلایەن حکومەتی عێراق ەوە و هیوادارین حکومەتی هەرێم چیتر گرفت بۆ ئەم فەرمانگانە دروست نەکات."
ئەو چوار پەرلەمانتارە باسیان لەوەشکردووە، کێشە و پێداویستیەکانی بەڕیوەبەرایەتی پۆلیسی گومرکی سلێمانیمان تاووتوێ کرد، کە پێشتر لەسەردانماندا بەڵێنی بەدواداچونمان پێدابوون.
ئاماژەیان بەوەشکردووە، خۆشبەختانە هەوڵەکان ئەنجامی باشی هەیە و داواکاری بەڕێوەبەری پاسپۆرتی سلێمانی (عەمیدی مافپەروەر سالار عبداللە) و بەهەوڵی بێ وچانی فەریق (سمکۆ نەدیم)، عێراق رازی بووە بە کردنەوەی بەڕێوەبەرایەتی پاسپۆرتی پێنجوێن، هەروەها پلانی نوێ هەیە بۆ پێدانی دەسەڵاتی زیاتر بە هەردوو پارێزگای سلێمانی و هەڵەبجە بۆ ئیدارەدانی پۆلیسی گومرک و پاسەوانی سنور و چارسەرکردنی کێشەکانیان.