وەین مارۆتۆ وتەبیژی هێزەکانی هاوپەیمانی نێوەدەوڵەتی بۆ شەڕی دژ بە داعش لە تویتێکدا ئاماژەی بەوەکردووە" هێرشەکەی شەوی رابردووی سەر فڕۆکەخانەی نێودەوڵەتی هەولێر لە رێگەی دوو فڕۆکەی بێ فڕۆکەوانەوە ئەنجامدراوە و هەردوو فڕۆکەکەش تێکشكێنراون، هێرشەکە هیچ زیانێکی گیانی و ماددی لێنەکەوتووەتەوە".
واین مارۆتۆ ئەوەشی خستەڕوو، هەر هێرشێک کە دەکرێتە سەر حکومەتی عێراق، هەرێمی کوردستان و هاوپەیمانان، دەسەڵاتی دامەزراوە عێراقییەکان، سەروەریی یاسا و سەروەریی نیشتمانی عێراق لەناودەبات.