دوێنێ بەیانی ١٧ ی ئەیلول کادیرێکی پەکەکە لە سلێمانی کە ناوی ( یاسین بولوت ) لەگەڕەکی چوارچرا کوژرا، دەزگای زانیاری و پاراستن/ زانیاری بڵاویکردەوە کە دوو تاوانبارەکەیان دەستگیرکردووە، " سپی " زانیاری لەسەر بکوژەکان بڵاودەکاتەوە.
بەپێی ئەو زانیارییە سەرەتاییانەی دەست ماڵپەڕی " سپی " کەوتووە ئەو کەسانەی کە تاوانەکەیان ئەنجام داوە دوو کەس بوون و پەیوەندیان بە میتی تورکیاوە هەبووە.
دەربارەی شوناسی ئەو دوو تۆمەتبارە، زانیارییە سەرەتاییەکان ئاماژە بۆ ئەوە دەکەن کە ئەو دوو کەسە بە رەگەز کوردن.
هەر ئەمڕۆ ،بەرپرسی دەزگای زانیاریی و پاراستن\زانیاری، ئەژی ئەمین، ڕایگەیاند"تاوانباری تاوانەکانی ئەم چەند ڕۆژەی ڕابردوو دەستگیرکرا" کە مەبەست لێی کوژرانی بەرپرسێکی پەکەکە و هەوڵی تیرۆرکردنی بەرپرسێکی تریانە.
ئەژی ئەمین لە پەیامێکدا لە ئەکاوتنی خۆی لە تۆڕی کۆمەڵایەتی ئەمڕۆ 18ی ئەیلول رایگەیاند" تاوانباری تاوانەکانی ئەم چەند ڕۆژەی ڕابردوو دەستگیرکرا و ڕاپێچی بەردەم یاسا کرا. بەزووترین کات بەڵگەکان و دانپێدانان دەخرێتە بەردەم ڕای گشتی."
هەروەها دەشڵێت"ڕیسوایی بۆ تێکدەرانی ناوماڵی کورد، دەستخۆشی بۆ شێرەکوڕانی ئاسایش و دژەتیرۆر و پۆلیس".