ئەمینداری گشتی یەكگرتووی ئیسلامی كوردستان ڕایدەگەیەنێت" پێویستە گەلانی عیراق بتوانن گۆڕانكاری لە حوكمی خۆیان بكەن".
سەڵاحەدین بەهادین، ئەمینداری گشتی یەکگرتوی ئیسلامی کوردستان بەیانی ئەمڕۆ بەشداری پڕۆسەی دەنگدانی کرد و رایگەیاند" ئەم هەڵبژاردنە روداوێکی گرنگی گەلی عێراق بەگشتی و بەشداریکردن لە پڕۆسەی دیموکراسی و تاڕادەیەکی باش ئارام گرنگی خۆی هەیە".
ئەمینداری گشتی یەکگرتوو هیواشی خواست کە، تاڕادەیەکی زۆر بە پاکی بەڕێوەبچێت، ئومێدمان وایە گەلانی عێراق بتوانن گۆڕانکاری گەورە لە حوکمڕانی خۆیان بکەن.
ئاماژەی بەوەشکرد: وەكو هەرێمی كوردستان تاڵ و شیرینی زۆرمان بینی، بەلام ئەوەی هەیە دوای ئەم هەڵبژاردنە نوێنەرانێك بنێرینە بەغدا كە شایستەن بۆ ئەو ئەركە بڕۆن.
جەختیشیکردەوە: پاش هەڵبژاردن نوێنەرانی هەرێم لە عێراق دەبێت پێكەوە كار بكەن و تێبگەن كە ئەركێكی نەتەوەیی گەورەیان لەسەر شانە و دەبێت پێكەوە ئەنجامی بدەن و هەر كێبركێیەك كە پێویست بێت.