بەرێوەبەرایەتی شارەوانییەکانی سلێمانی لەبارەی پاککردنەوەی شەقامە سەرەکییەکانی قەزا و ناحیەکان رونکردنەوە دەدات و دەڵێت، تیمەکانیان بە ھەماھەنگی کۆمپانیاکانی کۆکردنەوەی خۆڵ و خاشاک بەردەوامن لە پاککردنەوە.

ئەمڕۆ ١٧ی کانوونی دووەم، لە راگەیەدنراوێکدا بەڕێوەبەرایەتی گشتی شارەوانییەکانی سلێمانی رایگەیاندووە، "تیمەکانیان بە ھەماھەنگی کۆمپانیاکانی کۆکردنەوەی خۆڵ و خاشاک بەردەوامن لە پاککردنەوەی شەقامە سەرەکییەکانی قەزا و ناحیەکان".

ئاماژەی بەوەشکردووە، گرنگی بە پاککردنەوەی قەزای پێنجوێن و ناحیەی گەرمک و گوندەکانی دەوروبەری دراوە.

لە بەشێکی تری راگەیەندراوەکەدا بەرێوەبەرایەتی گشتی شارەوانییەکانی سلێمانی رایگەیاند، "تیمەکانی شارەوانی لە ناحیەی سورداش بەردەوامن لە پاککردنەوەی رێگای سلێمانی مێرگەپان".