سبەینێ پێنج شەممە،
لەشاری هەولێر، لەسەرجەم زانکۆ و قوتابخانە حکومی و ناحکومییەکان دەوامی فەرمی رادەگیرێت.
ئەمڕۆ چوارشەممە،١٩ی
کانوونی دووەم، نوسینگەی پارێزگاری هەولێر راگەیەنراوێکی بڵاوکردەوە و تیایدا
هاتووە، بەهۆى پێشبینیەکانى کەشناسى و گۆڕانى کەش و هەوا و دابەزینى پلەى گەرمى،
دواى گفتوگۆ و ڕاگۆڕینەوەى پارێزگارى هەولێر لەگەڵ سەرۆکی دیوانی ئەنجومەنی وەزیران
و وەزیرى خوێندنى باڵا و وەزیرى پەروردە گەیشتنە چەند بڕیارێک.
ئەنجومەنی وەزیران و وەزیرى
خوێندنى باڵا و وەزیرى پەروردە ئەم بڕیارانەی خوارەوەیان دەرکرد:
یەکەم/ بەیانى رۆژى پێنجشەممە
٢٠ی ١ی ٢٠٢٢، لەسەرجەم ناوەندەکانى خوێندن "زانکۆ، پەیمانگا، قوتابخانە حکومى
و ئەهلیەکان" دەوامی فەرمى رادەگیرێت.
دووەم/ لهبهر ئهوهى
وەزارەتى دارایی لە پڕۆسەى دابەشکردنى مووچەدایە، لە سەرجەم فەرمانگە و دامەزراوە
حکومیەکان پشوو نابێت و دەوامى فەرمییە.
سێیەم/ ئهم بڕیارانە
سنوورى ئیدارەى سەربەخۆى سۆران ناگرێتەوە.
هەروەها، ئەمڕۆ چوارشەممە،
ئیدارەی راپەڕین راگەیەنراوێکی بڵاوکردەوە و تیایدا هاتووە، لە سەرجەم دامودەزگا
حکومەییەکانی سنورەکە دەوامی فەرمی راگیراوە جگە لە تیمە خزمەتگوزارییەکان و تیمەکانی
پاککردنەوە و هێزە ئەمنییەکان.
ئاماژەی بەوەشکردووە،
بڕیارەکە لەدوای راوێژکردن بووە لەگەڵ دەزگا کەشنیاسییەکان و بەمەبەستی سەلامەتی گیانی
فەرمانبەران ئەو بڕیارەیانداوە.
هەر ئەمڕۆش، هەردوو ئیدارەی
زاخۆ و سۆران و پارێزگای هەڵەبجە راگرتنی دەوامیان لەسەرجەم دامودەزگاکانی حکومەت
راگەیاند و پارێزگاری سلێمانیش رایگەیاند، تا ئێستا بڕیاری راگرتنی دەوامیان نەداوە
و لەگەڵ کەشناسیدا بڕیاری گونجاو دەدەن.